அறியாப் பருவக் காதல்

அறியாப் பருவத்தில் முதல் முறை
அறியாது வரும் உணர்வு!
உன் மனம் என்னும் வலைத் தன்னில்
விண்மீனாய் நான் மாட்டுவது!
புரிகின்ற பருவத்தில் புரிந்தும்
புரியாமல் உன்னை நெருங்குவது!
வழி மேல் விழி வைத்து நீ
வருவதை எதிர்ப்பார்ப்பது ! 
உன்னை தூரத்தில் கண்டவுடன்
நண்பர்களை ஓட ஓட வீரட்டுவது!
உன்னிடம் எத்தனையோ பேசத் துடிப்பது!
உன்னை எதிரில் பார்த்தாலோ
பேசாமல் ஊமையாவது!
பதில் அறிய கேள்வியுடன்
என் காதல் கடிதம் நீட்டுவது!
அதை வாங்கி நீ உன் நெஞ்சுக்கு
அருகினில் வெட்கத்தோடு புதைப்பது!
அதை கண்டு காதல் மிகுதியால்
போதையொடு நான் தடுமாறுவது!
இந்த காதலில் தான் எத்தனை சுகங்கள்..
இன்னும் எத்தனை நாள் தான் நானும்
இவ்வாறு உன் நினைப்பில் வாழ்வது??